Iloilo City – Timbog ang dalawang tulak ng droga sa isinagawang buy-bust operation ng mga operatiba ng Regional Police Drug Enforcement Unit 6 sa Barangay Sto. Niño Sur, Arevalo, Iloilo City nitong gabi ng ika-4 ng Enero 2023.
Kinilala ang dalawang subject person na sina Eddie Belleza Sevillo alyas “Boy Boy”, 39, residente ng Brgy. Guzma-Jesena, Mandurriao, Iloilo City at si Richelle Rocha Germo, residente naman ng Brgy. North Fundidor, Molo, Iloilo City at pawang mga High Value Individual sa nabanggit na lugar.
Narekober mula sa mga suspek ang 21 pakete at isang heat-sealed transparent plastic sachet ng hinihinalang shabu na may tinatayang timbang na 110 grams at nagkakahalaga ng Php748,000, mga non-drug items kabilang na ang isang motorsiklo.
Ang dalawang HVI ay nahaharap sa kasong paglabag sa R.A 9165 o ang Comprehensive Dangerous Drugs Act of 2002.
Patuloy ang PNP sa mga ganitong operasyon upang tuluyang matigil ang paglaganap at pagbebenta ng ilegal na droga sa ating bansa.
