Southern Leyte – Nagsagawa ng Coastal Clean-up Drive ang mga tauhan ng San Francisco Municipal Police Station sa gilid ng baybayin ng Sta. Paz Sur, San Francisco, Southern Leyte nitong ika-5 ng Enero 2022.
Mahigit 20 na sako ng mga tuyong dahon at mga basura ang nakolekta sa kanilang ginawang paglilinis.
Naging matagumpay ang aktibidad sa pagtutulungan ng ating mga kapulisan sa pangunguna ni Police Lieutenant Michael Cornelio, Officer-In-Charge, Force Multipliers, Lingkod Bayan Advocacy Support Groups, mga kababaihan ng naturang barangay, mga pinuno at miyembro ng simbahan na boluntaryong nakiisa sa nasabing aktibidad.
Ang mga ganitong aktibidad ay naglalayong mapanatili ang malinis na kapaligiran, isulong ang pangangalaga sa kapaligiran at bilang bahagi ng adbokasiya ng PNP na “Makakalikasan”.
