Leyte – Agad na rumesponde ang mga tauhan ng Palo Municipal Police Station sa ulat ng pagkalunod sa Brgy. Baras, Palo, Leyte, nitong Enero 4, 2023.
Kinilala ni Police Lieutenant Colonel Ricky Reli, Officer-In-Charge ng Palo MPS ang natagpuang bangkay ng isang 16 taong gulang na batang lalaki at residente ng Brgy. Baras, Palo, Leyte.
Ayon kay PLtCol Reli, isinugod ang biktima sa Gov. Benjamin T. Romualdez Hospital at Schistosomiasis Center ngunit sa kasamaang palad ay idineklara itong dead on arrival ng duty attending physician na si Dr. Jessica Marishel M. Ramas bandang 7:35 ng umaga.
Paalala naman ng PNP sa publiko na magdoble ingat kapag nasa paligid ng mga karagatan lalo na ngayong tag-ulan. Kasunod nito ang pagtaas ng mga insidente ng pagkalunod sa paligid ng Palo Public Beaches.
