Zambales – Nagsagawa ng Community Outreach Program ang Sta Cruz PNP sa mga nasunugan ng bahay sa Brgy. San Fernando, Sta Cruz, Zambales nito lamang Miyerkules, ika-4 ng Enero 2023.
Ang naturang aktibidad ay pinangunahan ni Police Major Noemi Diaz, Acting Chief of Police ng Sta Cruz Municipal Police Station, Zambales Police Provincial Office katuwang sina Mr. Carlos Millan at Ms. Gloria Monsalud sa paghahatid ng tulong.
Binigyan ang sampung benepisyaryong nasunugan ng tahanan ng mga damit, mga gamit sa bahay gaya ng baso at painitan ng tubig.
Labis ang pasasalamat ng mga residente sa tulong na handog ng mga awtoridad.
Patuloy ang Zambales PNP sa paghahatid ng serbisyo at mapagtibay ang ugnayan ng PNP at pamayanan.
Source: Sta Cruz Municipal Police Station
Panulat ni Police Corporal Jeselle Rivera/RPCADU 3
