Naga City – Tinatayang nasa Php1,496,000 halaga ng ilegal na droga ang nasabat sa dalawang lalaki sa ikinasang buy-bust operation (High Impact Operation) ng pulisya sa Zone 5 Sitio Langon, Barangay Cararayan, Naga City ngayong araw, Enero 5, 2023.
Kinilala ni PCol Nelson Pacalso, City Director ng Naga City Police Office, ang mga suspek na sina Jerson B. Nebria, 39, kabilang sa listahan ng City Recalibrated Personality on Illegal Drugs at si Robert N. Luna, 29, walang asawa at parehong mga residente ng Zone 7 San Rafael, Barangay Cararayan, Naga City.
Ayon kay PCol Pacalso, bandang 8:24 ng parehong araw, ng maaresto ang mga suspek ng pinagsanib na mga operatiba ng Regional Police Drug Enforcement Unit 5 (ODRDO-RPDEU5 Team Cam. Sur/ Naga City), Naga City Police Office, RID, RSOU5, PDEG5, SOU5, CPDEU, Naga City Police Station 6 SDEU, Naga City Mobile Force Company, 501st RMFB5 at sa pakikipag-ugnayan sa PDEA RO5.
Naaresto ang mga suspek matapos makabili sa mga ito ng isang piraso ng heat-sealed transparent plastic sachet na naglalaman ng hinihinalang shabu na may tinatayang timbang na 25 na gramo kapalit ang Php75,000.
Sa isinagawang body search, narekober sa mga ito ang pitong piraso ng shabu na may timbang na 195 na gramo.
Sa kabuuan, nasa 225 na gramo ng shabu ang nakumpiska na may tinatayang halaga na Php1,496,000.
Mahaharap ang mga suspek sa kasong paglabag sa RA 9165 o “Comprehensive Dangerous Drugs Act of 2002.
Ang nasabing operasyon ay kaugnay sa BIDA Program ng DILG na “Buhay ay Ingatan, Droga’y Ayawan” na may mithiing mas mapaigting ang laban kontra ilegal na droga at kriminalidad.
Ang Pambansang Pulisya katuwang ang pamayanan ay patuloy na magkakaisa upang masugpo ang ganitong klase ng krimen para malinis ang komunidad sa pagkakaroon ng presensya ng ilegal na droga na sumisira sa buhay ng mamamayang Pilipino.
Source: Naga NCPO
