Pangasinan – Arestado ng PNP ang Top 1 Most Wanted Person ng Anda, Pangasinan sa kasong Rape nito lamang ika-2 ng Enero 2023.
Kinilala ni Police Lieutenant Raffy Nisperos, Officer-In-charge ng Anda MPS, ang suspek na si alyas “Reggie”, 37, residente ng Sitio Malembuwaya, Brgy. Patar, Agno, Pangasinan.
Ayon kay PLt Nisperos, bandang 5:45 ng hapon nang maaresto ang suspek sa Brgy. Boboy, Agno, Pangasinan ng mga operatiba ng Anda Municipal Police Station katuwang ang Provincial Intelligence Unit- Pangasinan.
Dagdag pa ni PLt Nisperos, naaresto ang suspek sa bisa ng Warrant of Arrest sa kasong Rape na walang rekomendadong piyansa.
Naging matagumpay ang operasyon ng Anda PNP sa pagpapaigting ng kampanya laban sa mga taong may pananagutan sa batas dahil na din sa magandang samahan ng pamayanan at mamamayan.
Source: Anda MPS
Panulat ni PSSg Carmela G Danguecan
