Flora, Apayao – Nagsagawa ng Community Outreach Program ang mga tauhan ng Flora Municipal Police Station sa Brgy. Upper Atok, Flora, Apayao nito lamang Linggo, Disyembre 31, 2022.
Namahagi ang mga miyembro ng Flora Municipal Police Station ng food packs, vitamins at mga damit para sa mga kabataan at residente ng naturang lugar.
Katuwang sa aktibidad ang mga tauhan ng Regional Mobile Force Battalion 1505th, Faith Based Volunteers at sa pakikipagtulungan ng mga stakeholders sa munisipalidad.
Kasabay nito ang information drive ukol sa campaign against loose firearms, Anti-Illegal Drugs at pamamahagi ng mga flyers patungkol sa Anti-Terrorism, VAWC at No to Indiscriminate Firing.
Source: Flora Municipal Police Station
