Nagsagawa ng Coastal Clean-up Drive ang mga tauhan ng Antique Police Provincial Office sa PC Beach, Brgy. 4, San Jose, Antique nito lamang ika-29 ng Disyembre 2022.
Ang naturang aktibidad ay pinangunahan ni Police Colonel Alexander Mariano, Provincial Director ng Antique PNP, na nilahukan ng mga personnel ng Antique PPO PHQ, 1st Antique PMFC, Sibalom MPS at mga Barangay Officials ng Brgy. 4 sa pangunguna ng kanilang Punong Brgy. na si Facundo Oberes Jr. kasama ang mga miyembro ng Volunteer Auxiliary Community Care Unit of the Philippines, Inc. (VACCUP) – Sibalom Chapter.
Sa nasabing aktibidad ay nakalikom ang grupo ng ilang mga sako ng mga basura kagaya ng plastic, sirang bote at iba pa.
Ang aktibidad ay bahagi ng programa ng Antique PNP sa pagdiriwang ng kapaskuhan na tinawag nilang Pasko ng Kalikasan o “PasKalikasan” na naglalayong mapanatiling malinis, ligtas ang kapaligiran partikular na sa mga dalampasigan.
Ang naging hakbangin ng mga tauhan ng Antique PNP maging ng ilang sektor ng pamahalaan ay nagpapakita ng kanilang tunay na malasakit hinggil sa pagpapanatili ng kaayusan ng kapaligiran at kaligtasan ng mga likas na yaman para sa ikabubuti ng mamamayan.
