Nueva Vizcaya – Umabot sa 300 na benepisyaryo ang nahandugan ng Nueva Vizcaya Police Provincial Office sa isinagawang Community Outreach program na ginanap sa Kapaya Proper, Alang Salacsac, Kayapa, Nueva Vizcaya noong Disyembre 29, 2022.
Pinangunahan ni Police Colonel Camlon Nasdomas, Provincial Director ng Nueva Vizcaya PPO ang nabanggit na aktibidad.
Ang mga benepisyaryo ay nakatanggap ng libreng Medical Check-up; libreng pabunot ng ngipin; libreng tuli; libreng gupit; at pamamahagi ng hygiene kits at pares ng tsinelas.
Pinilahan din ang libreng ice cream at mainit na arrozcaldo na hatid ng grupo.
Laking pasasalamat ng mga mamamayan ng barangay sapagkat sila ang napiling handugan ng mga libreng serbisyo.
Matagumpay ang aktibidad dahil sa tulong ng pamahalaang panlalawigan ng Nueva Vizcaya sa pamumuno ni Gobernador Carlos M Padilla, mga stakeholders at advocacy groups.
Ang Pambansang Pulisya ay patuloy na magpapaabot ng serbisyo lalo na sa mga kababayan nating nakatira sa malalayong lugar katuwang ang lokal na pamahalaan at mga stakeholders na laging sumusuporta sa mga programa ng hanay.
Source:Nueva Vizcaya PPO
Panulat ni Police Corporal Carla Mae P Canapi
