Quezon – Arestado ang isang Provincial Most Wanted Person sa kasong Homicide sa joint operation ng CALABARZON PNP sa Brgy. Seguiwan, Tagkawayan, Quezon, nito lamang Huwebes, Disyembre 29, 2022.
Kinilala ni Police Colonel Ledon Monte, Provincial Director ng Quezon Police Provincial Office, ang suspek na si alyas “Bert”, 41, walang trabaho, residente ng naturang barangay.
Ayon kay PCol Monte, bandang 7:15 ng umaga naaresto ang suspek ng pinagsanib na puwersa ng Tagkawayan Municipal Police Station, 3rd Special Operation Unit, PNP Maritime Group Tagkawayan Base, 2nd Quezon Provincial Mobile Force Company, Regional Mobile Force Battalion 4A at Colt 85 Infantry Battalion Philippine Army.
Naaresto ang suspek sa bisa ng Warrant of Arrest sa kasong Homicide na may Criminal Case No. 4813 at may rekomendasyong piyansa na Php120,000.
Ang tagumpay ng CALABARZON PNP ay bunga ng pinaigting na pakikipagtulungan at suporta ng mamamayan upang mapanatili na ligtas at maayos ang komunidad.
Panulat ni PEMS Joe Peter Cabugon/RPCADU 4A
