Zamboanga City – Tinatayang Php680,000 halaga ng shabu ang nasabat sa isang suspek sa ikinasang buy-bust operation ng RDEU 9 at RMFB 9 sa Brgy. Maasin, Zamboanga City nito lamang Miyerkules, Disyembre 28, 2022.
Kinilala Police Lieutenant Colonel Van Froilan Tompong, Officer-In-Charge, Regional Drugs Enforcement Unit 9, ang suspek na si alyas “Babu”, 66, may asawa at residente ng Caragasan, Brgy. Maasin, Zamboanga City.
Ayon kay PLtCol Tompong, bandang 9:28 ng gabi nang mahuli ang suspek ng mga operatiba ng Regional Drugs Enforcement Unit, at 904th Maneuver Company ng Regional Mobile Force Battalion 9.
Nakumpiska sa suspek ang dalawang pirasong heat-sealed transparent plastic sachets na pinaghihinalaang shabu na tumitimbang ng 100 gramo na nagkakahalaga ng Php680,000, isang pirasong Php1,000 bill, isang bundle ng boodle money na naglalaman ng 59 pirasong Php1,000 bill (fake money) at isang shoulder bag.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
Panulat Ni Patrolman John Ronald Tumonong/RPCADU 9
