Nagsagawa ng Revitalized KASIMBAYANAN ang Santiago PNP sa pangunguna ni PLt Jhoanna Marie Lucas, OIC ng Santiago CMFC sa pamamagitan ng Spiritual Interactive Meeting sa mga residente ng Purok 7, Sitio Burubur, Brgy. Rizal, Santiago City noong ika-28 ng Disyembre 2022.
Katuwang ang Life Coach na si Pastora Rovilyn Ancheta sa pagsagawa ng naturang aktibidad kung saan nagbahagi ng mga salita ng Diyos. Pinag-usapan din ang mga maaaring isagawa na aktibidad sa kanilang lugar upang lalo pang mapag-ibayo ang pagkakaisa ng bawat isa lalo na ang mga kabataan.
Hinikayat din ng kapulisan ang mga magulang na huwag mag-atubiling lumapit sa kapulisan anuman ang suliranin na nais ilapit para mabigyan ng agarang tulong o solusyon.
Layunin ng programang ito na malaman ang mga suliranin sa lipunan na dapat ay natutugunan kaagad at napagtutulungan ng kapulisan, simbahan at komunidad upang makamtan ang kapayapaan at kaayusan tungo sa kaunlaran ng lipunan.
Source: Santiago City MFC
Panulat ni PSSg Jerlyn V Animos
