Siquijor – Muling isinakatuparan ng mga tauhan ng San Juan PNP ang “Balay Mo, Gasa Ko Project” sa Sitio Candavoc Barangay Cangmunag, San Juan, Siquijor nito lamang Martes, Disyembre 27, 2022.
Pinangunahan ng Acting Chief of Police ng San Juan Police Station na si Police Lieutenant Benjamin Fuentes Jr. ang blessing at turn-over ceremony na siyang pormal na dinaluhan ni Municipal Mayor Hon. Wilfredo Capundag Jr., at Rev. Fr. Lyndon B. Zerna bilang tagapanguna sa pagbendisyon sa bahay na handog ng ating mga kapulisan.
Dumalo rin sa naturang aktibidad sina Vice Mayor Hon. Rubilyn Ragay; Hon Jacinto Verano Maata, SB Member; Hon. Genemias Gapol, Barangay Captain; mga sponsors/stakeholders at iba’t ibang Advocacy Support Groups.
Ayon kay Police Lieutenant Fuentes, naitayo ang bahay sa pagkakaisa ng mga tauhan ng San Juan PNP at sa tulong na rin ng mga stakeholders na nagpaabot din ng kanilang mga suportang pinansyal.
Opisyal naman na tinanggap ng recipient ng “Balay Mo, Gasa Ko Project” na si Tatay Jory Buhian ang kanyang bagong bahay, isang sakong bigas at groceries.
Nagpaabot naman ng taos-pusong pasasalamat si Tatay Jory sa tulong na ginawa at ipinagkaloob ng kapulisan ng San Juan PNP at iba pang volunteers upang mabuo ang kanilang bagong tahanan kasama ang kanyang buong pamilya.
Alinsunod sa peace and security framework ng ating CPNP na M+K+K=K o Malasakit, Kaayusan at Kapayapaan tungo sa Kaunlaran, at programang KASIMBAYANAN, hangad ng ating pamahalaan sa tulong ng San Juan PNP na maghatid ng serbisyo at ginhawa sa bawat mamamayan lalong lalo na sa mga residente ng San Juan, Siquijor na walang kakayahan na magpatayo ng sariling bahay.
