Surigao del Norte – Nagsagawa ng road clearing operation ang mga tauhan ng Bacuag Municipal Police Station sa isang landslide na nangyari sa Poblacion, Bacuag, Surigao del Norte nito lamang Lunes, Disyembre 26, 2022.
Ang operasyon ay pinangunahan ni Police Major Emerson Bajao, Acting Chief of Police katuwang ang mga miyembro ng Kabataan Kontra Droga at Terorismo at mga barangay tanod ng naturang lugar.
Ginawa ang road clearing upang muling madaanan ang lugar at mabilis maihatid ang tulong sa mga residente na naapektuhan sa patuloy na malakas na pag-ulan sa Surigao del Norte na nagdulot ng pagbaha at landslide.
Patuloy naman ang pagsusumikap ng Bacuag PNP na agarang maaksyunan ang mga problema sa bayan upang mapangalagaan ang komunidad.
Panulat ni Patrolman Jhunel Cadapan/ RPCADU13
