Sorsogon City, Sorsogon – Bilang pagsasabuhay sa diwa ng pasko, nagsagawa ng Pamaskong Handog 2022 ang Sorsogon PNP sa Home for the Aged sa Barangay San Juan Roro, Sorsogon City ngayong araw ng Disyembre 27, 2022.
Ang aktibidad ay pinangunahan ni PCol Dionesio Laceda, Provincial Director ng Sorsogon Police Provincial Office sa pakikipagtulungan ng mga LAKAN ng Philippine National Police Academy Alumni Association Inc. (PNPAAAI).
Naging matagumpay ang hangarin ng Pulis Kasanggayahan na makapagbigay ng kasiyahan sa mga lolo at lola na matagal nang nakalagak sa nasabing institusyon.
Ang simpleng pagbibigay ng serbisyo sa mga mamamayan kahit sa anumang paraan, maliit man o malaki, ay sapat na para matugunan ang kanilang mga payak na kahilingan at nais lamang ng kapulisan na iparamdam ang pagmamalasakit sa kanila lalong lalo na sa panahon ng kapaskuhan.
Ang Pulis Kasanggayahan ay patuloy sa pagsasagawa ng mga aktibidad na nakatuon sa adhikain ng PNP na siya namang nakaangkla sa programang M+K+K=K o ang Malasakit, Kaayusan at Kapayapaan tungo sa Kaunlaran.
Source: Sorsogon Ppo
