Tacloban City – Nasabat ng mga tauhan ng Tacloban City Police Office ang Php374,000 na halaga ng shabu sa naarestong drug personality sa ikinasang buy-bust operation sa Brgy. 110 (Utap) sa Tacloban City nitong Lunes, Disyembre 26, 2022.
Kinilala ni Police Colonel Michael P Palermo, City Director ang naaresto na si Reymar Quintana, 22, may asawa at residente ng Brgy. 39 – Calvary Hill, Tacloban City.
Ayon kay PCol Palermo, dakong 3:36 ng hapon ng isagawa ang operasyon ng mga operatiba ng Tacloban City Police Office at sa koordinasyon ng Philippine Drug Enforcement Agency (PDEA) Regional Office 8.
Nakumpiska sa suspek ang 55 gramo ng shabu na nagkakahalaga ng Php374,000, marked money na nasa Php500 at boodle money na Php5,500.
Mahaharap ang suspek sa kasong paglabag sa Sec 5 at 11 sa ilalim ng Republic Act 9165 o Comprehensive Dangerous Drugs Act of 2002.
Ang mga serye ng panghuhuli sa mga lumalabag sa mga probisyon ng RA 9165 ay nagpapakita na ang PNP ay magpapatuloy sa walang humpay na kampanya laban sa ilegal na droga.
