Iligan City – Walang pagsidlan ng tuwa ang mga residente dahil sa pinagkaloob na 2 solar lights at basketball equipment sa Sitio Libandayan, Brgy. Rogongon, Iligan City nito lamang Linggo, ika-25 ng Disyembre 2022.
Ito ay pinangunahan ni Police Colonel Dominador Estrada, City Director ng Iligan City Police Office at ni Police Lieutenant Colonel Glen Janog, Force Commander ng Iligan City Mobile Force Company.
Pinagkaloob ng Iligan City PNP ang dalawang solar lights, basketball equipment at dalawang sako ng semento dahil na rin sa hiling ng Tribal Chieftain na si Datu Eduardo Lihayan.
Ang mga solar lights ay magsisilbing ilaw pagsapit ng gabi at ang mga pinagkaloob na sports equipment ay magagamit ng mga kabataan at residente na libangan sa kanilang komunidad.
Ang layunin ng aktibidad ay iparamdam ang pagmamalasakit ng Iligan PNP upang maipadama sa ating mga kababayan ang serbisyong dekalidad na para sa lahat ng mamamayan ng kanilang nasasakupan.
Panulat ni Patrolman Nicole Villanueva/RPCADU 10
