Lucena City, Quezon – Nagsagawa ng Year End Conference ang Quezon PNP sa Quezon PPO Conference Room, Camp Nakar, Lucena City ganap na 10:00 ng umaga nito lamang Miyerkules, Disyembre 21, 2022.
Ang aktibidad ay pinangunahan ni Police Brigadier General Jose Melencio Nartatez Jr., Regional Director ng Police Regional Office 4A, katuwang ang miyembro ng Regional Quad Staff na kinabibilangan nina Police Colonel Melvin Montante, Chief, Regional Intelligence Division; PCol Jacinto Malinao Jr, Chief, Regional Operational Division; PCol Meliton Salvadora, Chief, Regional Community Affairs and Development Division; at PCol Noel Nunez, Chief, Regional Investigation and Directorate Management Division.
Samantala, pisikal naman na dumalo sa nasabing pagpupulong ang lahat ng Quezon Police Provincial Office Command Group at Staff sa pangunguna ni PCol Ledon Monte kasama ang Force Commanders at mga Chiefs of Police ng probinsya ng Quezon at ang mga Hepe sa Island Municipalities ay dumalo naman via zoom.
Layunin ng aktibidad na maisagawa at sama-samang balangkasin ang mga programa nitong taon at ang mga programang isasagawa sa panibagong taon upang higit na masuri ang kakayanan ng bawat isa sa pagpapatupad ng mandato alinsunod sa itinakdang peace and security frame work ng ating CPNP na M+K+K=K (Malasakit, Kaayusan, Kapayapaan tungo sa Kaunlaran), sa ilalim ng Programang KASIMBAYANAN (Kapulisan, Simbahan at Pamayanan).
Source: Quezon Police Provincial Office
Panulat ni PEMS Joe Peter Cabugon/RPCADU4A
