Misamis Oriental – Muling nagsagawa ang Police Regional Office 10 ng Community Outreach Program sa Brgy. Poblacion, Manticao, Misamis Oriental nito lamang Biyernes, ika-23 ng Disyembre 2022.
Ang naturang aktibidad ay pinangunahan ni Police Colonel Henry Dampal, Chief, Regional Community Affairs and Development Division katuwang si Police Lieutenant Roderlito Camay, Officer-In-Charge ng Manticao Municipal Police Station, at aktibo din na nilahukan ng butihing mayor ng probinsya na si Hon. Stephen Tan at Pastor Ferdinand Abella, mula sa Faith Baptist Church.
Nagkaroon ng feeding program, libreng gupit, naghandog din ng palaro at pamimigay ng libreng tsinelas para sa mga kabataan.
Tinatayang nasa 300 mga kabataan ang nabahagian at naging benepisyaryo ng naturang aktibidad.
Layunin ng mga tauhan ng PRO 10 ang pagbibigay saya sa mga kabataan at ihatid ng mga serbisyong dekalidad upang maramdaman ng mga mamamayan ang malasakit ng ating pulisya na magiging daan sa ating kaunlaran.
Panulat ni Patrolman Jomhel Tan/RPCADU 10
