Lucena City, Quezon – Nagsagawa ng Basic Gun Handling and Safety Rules Seminar ang Quezon Police Provincial Office na ginanap sa Covered Court, Camp BGen Guillermo Nakar, Lucena City nito lamang Huwebes, Disyembre 22, 2022.
Ang naturang aktibidad ay pinangunahan ni Police Chief Master Marcelino M Dizon (Ret), Certified Pistol Instructor sa direktang superbisyon ni Police Colonel Ledon Monte, Provincial Director ng Quezon Police Provincial Office.
Naging aktibo ang 50 PNP personnel na nakiisa sa naturang seminar kung saan ibinahagi ang iba’t ibang paghahanda at safety protocols sa paggamit ng issued firearms.
Layunin ng aktibidad na masiguro ang kaligtasan ng bawat miyembro ng Quezon PNP at maiwasan ang anumang aksidente sanhi ng hindi pagsunod sa mga pangunahing panuntunan sa kaligtasan ng baril.
Panulat ni PEMS Joe Peter Cabugon/RPCADU4A