Valenzuela City — Tinatayang nasa Php238,000 halaga ng shabu ang nasamsam sa isang lalaki sa isinagawang buy-bust operation ng Valenzuela City Police Station nito lamang Biyernes, Disyembre 23, 2022.
Kinilala ni PBGen Ponce Rogelio Peñones Jr., District Director ng Northern Police District (NPD), ang suspek na si Jerome Luangco y Tan alyas “Jerome”, 42, residente ng Bonbon Ville Ugong, Valenzuela City.
Ayon kay PBGen Peñones Jr, bandang 8:40 ng umaga naaresto si alyas “Jerome” sa kahabaan ng Serapio St., Gen T. De Leon, Valenzuela City ng mga operatiba ng Station Drug Enforcement Unit ng Valenzuela CPS sa pangunguna ni Police Lieutenant Joel Madregalejo, OIC, SDEU.
Nakumpiska sa suspek ang pitong piraso ng heat-sealed transparent plastic sachet na naglalaman ng hinihinalang shabu na may timbang na 35 gramo at may Standard Drug Price na Php238,000; isang tunay na Php500; pitong Php1,000 at isang Php500 na boodle money na ginamit bilang buy-bust money; dalawang Php100; at isang black coin purse.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ni PBGen Peñones Jr. na 24/7 na magpapatrolya ang kapulisan ng Northern Metro upang masigurong ligtas ang komunidad ngayong holiday season.
Source: NPD PNP
Panulat ni PSSG Remelin Gargantos
