Zamboanga City — Nagsagawa ng Feeding Program ang mga tauhan ng Zamboanga City Police Station 1 sa mga nagsisimba ng Misa de Gallo sa Our Lady Pillar Parish Church, Vitali, Zamboanga City nito lamang madaling araw ng Miyerkules, Disyembre 21, 2022.
Ang aktibidad ay pinangunahan ni Police Major Benzar Bairulla, Acting Station Commander ng Zamboanga City Police Station 1 at sa aktibong partisipasyon ng mga miyembro ng Tau Gama Phi Fraternity.
Tinatayang nasa 100 indibidwal ang nabigyan ng mainit na lugaw.
Patuloy ang Zamboanga City PNP sa pagpapanatili ng katahimikan lalo na sa panahon ng kapaskuhan at pagbibigay ng serbisyong kalidad na mas maglalapit ng ugnayan ng pulisya at komunidad na maghahatid ng kaunlaran sa ating pamayanan.
Source: Zamboanga City Police Station 1
Panulat ni Police Staff Sergeant Grace Neville Ortiz
