Zamboanga City – Arestado ang isang construction worker sa isinagawang law enforcement operation sa Brgy. Limpapa, Zamboanga City nito lamang Miyerkules, Disyembre 21, 2022.
Kinilala ni Police Major Melvin Solmayor, Station Commander ng Zamboanga City Police Station 10, ang naarestong suspek na si “Bert”, 41, may asawa at residente ng Purok 4B Luuk, Brgy. Limpapa, Zamboanga City.
Ayon kay PMaj Solmayor, bandang 10:00 ng umaga nang naaresto ang suspek ng mga operatiba ng Zamboanga City Police Station 10, Technical Support Company ng Regional Mobile Force Battalion 9 at 2nd Zamboanga City Mobile Force Company.
Ayon pa kay PMaj Solmayor, naaresto ang suspek sa bisa ng Warrant of Arrest sa kasong Lascivious Conduct under Section 5(B) ng RA 7610 o Anti-Child Abuse Law na may kaukulang piyansa na Php200,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
