Sorsogon City – Nagsagawa ng Community Outreach Program ang mga tauhan ng Sorsogon City Police Station sa Barangay Bitan-o, Sorsogon City, nito lamang ika-20 ng Disyembre 2022.
Ang naturang aktibidad ay pinangunahan ni Police Staff Sergeant Mary Ann Lacupanto, sa ilalim ng pangangasiwa ni Police Lieutenant Colonel Jeric Don P Sadia, Chief of Police ng Sorsogon CPS kasama ang RGI Alakdan Bitan-o Chapter.
Naging tampok sa aktibidad ang feeding program at pamamahagi ng mga tsinelas at damit para sa mahigit kumulang 80 na kabataan ng nasabing barangay.
Ang naging hakbang ng Sorsogon PNP na makapaghatid ng tulong sa ating mga kababayan ay bahagi ng peace and security framework na isinusulong ng Pambansang Pulisya na M+K+K=K (Malasakit, Kaayusan at Kapayapaan tungo sa Kaunlaran) para sa mas matatag na ugnayan ng komunidad at pulisya.
Source: Sorsogon Cps Sorsogon Ppo
