Sultan Kudarat – Binisita at nag-abot ng tulong ang pamahalaan ng Sultan Kudarat at PNP sa mga Persons Deprived of Liberty (PDLs) sa Sultan Kudarat District Jail nito lamang ika-20 ng Disyembre 2022.
Malugod na tinanggap at pinasalamatan ni Jail Superintendent Brian Sison, Warden ng Sultan Kudarat District Jail ang ginawang pagbisita at pagbibigay malasakit ng mga ahensya ng gobyerno sa mga PDLs na pinangunahan nina Hon. Vice Mayor Hadja Bai Naila M. Mamalinta at Hon. Councilor Datu Zahir Mamalinta katuwang ang kapulisan ng 1st Sultan Kudarat Provincial Mobile Force Company.
Kung saan, umabot sa humigit kumulang 100 PDLs ang nabigyan ng maagang regalo, hygiene kits at masusustansiyang pagkain.
Sa pagkakaroon ng mga ganitong programa ay maipadarama ang tunay na diwa ng pasko sa mga naturang preso.
Panulat ni Patrolman Jerrald Gallardo
