Cagayan de Oro City – Nagsagawa ng Community Outreach Program ang Police Regional Office 10 sa Bontong, Camaman-an, Cagayan de Oro City nito lamang Miyerkules, ika-21 ng Disyembre 2022.
Ang naturang aktibidad ay pinangunahan ni Police Brigadier General Lawrence Coop, Regional Director ng Police Regional Office 10 kasama si Police Colonel Henry Dampal, Chief ng Regional Community Affairs and Development Division at Police Colonel Aaron Mandia, City Director ng Cagayan de Oro City Police Office.
Naging tampok sa naturang aktibidad ang pamamahagi ng mga regalo, food packs, personal hygiene kit, bigas, mga laruan at libreng meryenda.
Nagkaroon din ng palaro at ang pagbibigay kaalaman sa pamamagitan ng mobile library para sa mga kabataan.
Tinatayang nasa 210 ang naging benepisyaryo ng naturang aktibidad na may temang “Paskuhan sa House of Joy” upang makapagbigay saya sa mga kabataan lalo na at nalalapit na ang kapaskuhan na sumisimbolo sa pagmamahalan at pagbibigayan.
Panulat ni Patrolman Jomhel Tan/RPCADU 10
