Koronadal City – Arestado ang isa sa mga Top 10 Most Wanted Person ng Koronadal City matapos ang isinagawang operasyon ng kapulisan sa Purok Upper Valley, Brgy. Sto. Niño, Koronadal City, South Cotabato noong Disyembre 19,2022.
Ayon kay PLtCol Amor Mio Somine, Officer-In-Charge ng Koronadal City Police Station, ang naarestong suspek ay si alyas “Bobot”, nasa wastong gulang at residente ng Koronadal City, South Cotabato.
Isinagawa ang nasabing operasyon bandang alas 9:00 ng gabi ng Koronadal CPS kasama ang kapulisan mula sa 1st SCPMC Intel, RID 12, Tracker Team Charlie, CIDG South Cotabato PFU at HPG South Cotabato na nagsagawa ng Manhunt Charlie Operation upang madakip ang nasabing suspek.
Naaresto si Bobot sa bisa ng Warrant of Arrest para sa kasong paglabag sa Comprehensive Law on Firearms and Ammunition (RA 10591)
Ang kapulisan ng PRO 12 ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik, at maayos ang komunidad sa rehiyon.
Panulat ni Patrolman Gio Batungbacal
