Nasugbo, Batangas – Nagsagawa ang mga tauhan ng Regional Mobile Force Battalion 4A ng pamaskong handog para sa mga pamilya ng Brgy. Natipuan, Nasugbo, Batangas nito lamang Martes, Disyembre 20, 2022.
Ang aktibidad ay pinangunahan ni Police Captain Maria Aileen Franca, Team Leader ng RMFB4A sa pamumuno ni Police Lieutenant Colonel Agosto Asuncion, Officer-In-Charge, RMFB 4A katuwang ang mga kawani at opisyal ng Brgy. Natipuan.
Ang naturang grupo ay namahagi na noche buena package sa humigit kumulang 60 pamilya ng Samahan ng Magsasaka ng Natipuan (SAMANA).
Samantala, hindi naman matawaran ang tuwa at saya ng mga bata sa inihandang palaro sa naturang aktibidad.
Layunin ng programa na maipadama ang diwa ng pasko sa mga mamamayan at maipakita ang tulong, kooperasyon at pagkakaisa ng pulisya at pamayanan.
Panulat ni Patrolman Joshua Cruz/RPCADU 4A
