Rosario, Cavite – Naaresto ang isang motorista sa pagdadala ng ilegal na baril sa Brgy. Tejeros Convention, Rosario, Cavite nito lamang Linggo, Disyembre 18, 2022.
Kinilala ni Police Colonel Christopher Olazo, Provincial Director ng Cavite Police Provincial Office, ang suspek na si alyas “Hadjie”, 40, residente ng Brgy. Bucal, Tanza, Cavite.
Ayon kay PCol Olazo, bandang 11:00 ng gabi naaresto ang suspek sa naturang barangay sa isinagawang checkpoint operation ng Rosario Municipal Police Station.
Narekober sa suspek ang isang caliber 22 Smith and Wesson na may serial number na 130539 (unregistered) at limang bala.
Nahaharap ang suspek sa kasong paglabag sa Republic Act 10591 o Illegal Possession of Firearms.
Patuloy ang Cavite PNP sa pagsasagawa ng anti-criminality operation upang mapanatiling ligtas at maayos ang mamamayan sa komunidad.
Panulat ni PEMS Joe Peter Cabugon/RPCADU 4A
