Mountain Province – Arestado ang isang wanted person sa kasong paglabag sa RA 9262 o Anti-Violence Against Women and Their Children Act of 2004 sa Bauko, Mountain Province nito lamang ika-19 ng Disyembre 2022.
Ayon kay Police Major Efren Cogasi, Chief of Police, Bauko Municipal Police Station, ang suspek ay nahuli sa pinagsamang operatiba ng 1st Mountain Province Provincial Mobile Force Company, Mountain Province Provincial Intelligence Unit, Regional Intelligence Division, Regional Intelligence Unit-14, Regional Mobile Force Battalion 1502nd Mobile Company, Provincial Investigation and Detection Management Unit at Mountain Province Highway Patrol Group.
Ayon pa kay PMaj Cogasi, ang suspek ay kinilala na 30 anyos, walang asawa, magsasaka at residente ng Bauko, Mountain Province.
Patuloy naman ang pagsasagawa ng Mountain Province ng kampanya kontra kriminalidad upang patuloy at mapanatili ang kaayusan at kapayapaan sa kanilang mga nasasakupan lalo na at malapit na ang araw ng pasko at bagong taon.
