Muntinlupa City — Nagsagawa ng Pamaskong Handog 2022 Alay sa Kabataan ang kapulisan ng Muntinlupa City Police Station na ginanap sa Tunasan National High School, Muntinlupa City nito lamang Linggo, Disyembre 18, 2022.
Ang aktibidad ay personal na dinaluhan ni PBGen Kirby John Kraft, District Director ng Southern Police District sa ilalim ng superbisyon ni Police Colonel Angel Garcillano, Chief of Police ng Muntinlupa CPS kasama ang iba pang opisyales ng lungsod.
Mahigit 800 kabataan mula sa iba’t ibang barangay ng naturang lungsod ang naabutan ng foodpacks, sari-saring mga laruan at meryenda.
Nagbigay saya rin ang PNP Mascot na si Patrolman Mahusay ng Muntinlupa CPS at nagkaroon pa ng magic show sa naturang gift-giving activity.
Tiniyak naman ng SPD na hindi ito ang huling gift-giving activity sa kanilang nasasakupan bagkus magsasagawa pa sila ng marami pang outreach program ngayong kapaskuhan.
Source: SPD PIO
Panulat ni PSSg Remelin M Gargantos
