Sorsogon – Nagsagawa ng Pamaskong Handog 2022 ang mga personahe ng 504th Maneuver Company ng Regional Mobile Force Battalion 5 sa Barangay Del Rosario, Pilar, Sorsogon nito lamang Linggo, Disyembre 18, 2022.
Ang naturang aktibidad ay pinangunahan ni Police Major Renante Arambuyong, Company Commander katuwang ang 503rd Maneuver Company ng RMFB 5, Criminal Investigation and Detection Team Sorsogon, mga miyembro ng Kabataan Kontra Droga at Terorismo o KKDAT, Life Coaches at mga opisyales ng mga nasabing barangay.
Aabot sa 355 benepisyaryo ang nahandungan ng mga regalo at simpleng meryenda. Bukod dito nagkaroon din ng mga palaro at pagsasalaysay ng mga salita ng Diyos.
Layunin ng aktibidad na maghatid ng kasiyahan at pag-asa sa mga residente at maipadama sa mga mamamayan ang diwa ng pagkakaisa at pagtutulungan hindi lamang ngayong kapaskuhan kundi sa ating araw-araw na buhay.
Ang PNP ay patuloy na maghahatid ng tulong at magbibigay ng kasiyahan sa ating mga kababayan para sa mas malakas ng ugnayan ng pulisya at mamamayan.
Source: 504th Maneuver Company, RMFB5
