San Jose, Antipolo City – Nagsagawa ng Outreach Program ang Antipolo City PNP sa Muslim brothers at sisters ng Al-Risala Muslim Community sa Purok Manggahan San Ysiro, Brgy. San Jose, Antipolo City nito lamang Linggo, Disyembre 18, 2022.
Ang aktibidad ay pinangunahan ni Police Lieutenant Herald Medrano, Chief ng City Community Affairs and Development Section sa ilalim ng superbisyon ni Police Lieutenant Colonel June Paolo Abrazado, Chief of Police ng Antipolo City Police Station katuwang ang SM Foundation.
Namahagi ang grupo ng kaalaman patungkol sa Anti-Criminality Campaign at End Local Communist Armed Conflict.
Nagbigay rin ng food packs sa mga residente ng naturang komunidad.
Samantala, hindi rin matawaran ang tuwa at ngiti ng mga bata matapos makatanggap ng bears of joy, laruan, at school supplies bilang pamasko.
Layunin ng aktibidad na palakasin ang pagtutulungan ng PNP at pamayanan ng Muslim community bilang bahagi ng pagpigil sa karahasan at pagpapaunlad ng kultura ng kapayapaan sa komunidad.
Panulat ni PEMS Joe Peter V Cabugon/RPCADU4A
