Tangub City – Nagsagawa ng Christmas Gift-Giving ang mga tauhan ng Misamis Occidental PNP para sa mga estudyante ng Sto. Niño Elementary School sa Brgy. Sto. Niño, Tangub City, Misamis Occidental nito lamang ika-17 ng Disyembre 2022.
Ang programa ay pinangunahan ni Police Lieutenant Colonel Peter Rhyan Revillas, Force Commander ng 2nd Provincial Mobile Force Company, Misamis Occidental Police Provincial Office kasama si Police Senior Master Sergeant Paul Arden Sarsaba, Team Leader ng Revitalized-Pulis sa Barangay Team Brgy. Sto. Niño at Cotta Shrine Eagles Club na pinamumunuan ni Guirellito Artajo, Club President.
Ang aktibidad ay may temang “Bundle of Joy” na may layuning mapasaya ang mga bata sa nasabing eskwelahan.
Nasa 100 ang naging benepisyaryo na nabigyan ng Jollibee food packs, tsinelas, multi-vitamins at hygiene kits.
Ang ganitong uri ng aktibidad ay isang paraan ng Misamis Occidental PNP para mapasaya ang mga kabataan at mapaigting ang ugnayan sa komunidad na maghahatid sa kaunlaran.
Panulat ni Patrolman Joshua Fajardo/RPCADU 10
