Cotabato – Walang takas ang isang High Value Individual (HVI) matapos mahulihan ito ng ilegal na droga sa ikinasang buy-bust operation sa Purok 5, Poblacion Carmen, Cotabato nito lamang umaga ng Disyembre 19, 2022.
Kinilala ni Police Lieutenant Colonel Rey Salgado, Hepe ng Carmen Municipal Police Station, ang nadakip na si alyas “Mokalid”, nasa wastong gulang at residente ng Sitio Lumayong, Kayaga Kabacan, Cotabato.
Ayon kay PLtCol Salgado, naaresto ang suspek ng mga operatiba ng Carmen MPS, Cotabato Police Provincial Office at PDEA 12, kung saan nakumpiska ang apat na sachet na may kabuuang timbang na 0.21 gramo ng hinihinalang shabu at may Standard Drug Price na Php3,500; drug paraphernalia; marijuana na nakapaloob sa pakete ng sigarilyo at isang pirasong Php1,000 bill bilang marked money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Tinitiyak naman ng Cotabato PNP na mas lalo pa nitong papaigtingin ang kampanya kontra ilegal na droga para masiguro ang kaligtasan ng bawat mamamayan ngayong nalalapit na kapaskuhan.
Panulat ni Patrolman Khnerwin Jay A Medelin
