Quezon City – Idinaos ang Ceremonial Turnover ng iba’t ibang office at police equipment donations ng Philippine National Police Foundation, Inc. (PNPFI) at pagbabahagi ng Christmas packages na mula naman sa FirstLight ngayong araw ng Lunes, Disyembre 19, 2022, sa PNP Multi-Purpose Center, Camp BGen Rafael T. Crame, Quezon City.
Dinaluhan ang naturang seremonya nina PNPFI Board of Trustee, Architect Ka Kuen Chua na kumatawan sa dating hepe ng Pambansang Pulisya at kasalukuyang Chairman ng PNPFI na si General Panfilo M. Lacson (Ret.) bilang Panauhing Pandangal; Vice Chairman Teresita Ang – See; at dating Bureau of Internal Revenue na si Atty. Kim Jacinto – Henares ng FirstLight.
Samantala, pinangunahan naman ni PNP Deputy Chief for Administration, Police Lieutenant General Rhodel O. Sermonia na kumatawan kay PNP Chief PGen Rodolfo S. Azurin, Jr., sa pagtanggap ng mga donasyon para sa mga tanggapan ng Headquarters Support Service (HSS), Legal Service (LS), at Explosive Ordnance Disposal and Canine Group (EOD/K9) kung saan tinanggap ang patrol bicycles, printer at iba pang kagamitang pang-opisina.
Tumanggap naman ang 200 kababaihang miyembro ng Pambansang Pulisya (Crame-based female personnel) ng Christmas packages mula sa FirstLight.
Kasama ang bawat pribadong sektor at organisasyon na patuloy at aktibong sumusuporta sa Pambansang Pulisya ng Pilipinas ay patuloy na maghahatid ng maaasahang serbisyo publiko at seguridad ang bawat pamayanan lalo na sa panahon ng pagdiriwang ng Kapaskuhan at nalalapit na Bagong Taon.
Panulat ni Pat Noel S. Lopez
