Camarin, Caloocan City — Timbog ang isang lalaking watch listed ng pulisya matapos masabat ang higit isang milyong halaga ng shabu sa buy-bust operation ng Caloocan City Police Station nito lamang Lunes, Disyembre 19, 2022.
Kinilala ni PBGen Ponce Rogelio I. Peñones Jr., District Director, Northern Police District (NPD), ang suspek na si alyas “Jess”, 32, at residente ng Barangay 174, Caloocan City.
Ayon kay PBGen Peñones Jr, bandang 7:20 ng umaga nang maaresto si alyas “Jess” sa kahabaan ng Captain Rico St., corner Tulip St., Barangay 174, Camarin, Caloocan City ng mga operatiba ng OCOP-Drug Enforcement Unit (DEU) ng Caloocan CPS kasama ang mga tauhan ng 3rd MFC ng RMFB-NCRPO.
Nakumpiska sa suspek ang isang knot-tied at dalawang transparent plastic sachet ng pinaghihinalaang shabu na may kabuuang timbang na 150 gramo at may Standard Drug Price na Php1,020,000, isang tunay na Php500 at 37 piraso na Php1,000 na boodle money na ginamit bilang buy-bust money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na pagkakaaresto sa suspek ng kapulisan ng Northern Metro ay bunsod ng pinaigting na kampanya laban sa ilegal na droga at mas pinalawak na police visibility sa naturang Distrito.
Source: NPD PIO
Panulat ni PSSg Remelin M Gargantos
