Silang, Cavite – Idinaos ng Philippine National Police Academy ang Resurgence Fun Run 2022 sa Camp General Mariano M Castaneda, Silang, Cavite nito lamang Linggo, ika-18 ng Disyembre 2022.
Pinangasiwaan ang aktibidad ng Philippine National Police Academy Athletics Council sa ilalim ng superbisyon ni Police Major General Eric Noble, Director ng PNPA katuwang ang Team Trial Mania Ph, v2.0, Paragon Athletic Apparel Company, mga kadete at mga PNP personnel mula sa iba’t ibang unit at sibilyang mananakbo.
Hindi naging hadlang ang maulan na umaga upang matuloy ang naturang aktibidad na tatlong taon ding nahinto dahil sa pandemya.
Layunin ng programa na palakasin ang samahan ng bawat grupo sa pagtaguyod at pagpapanatili ng malusog na pangangatawan para magampanan ang tungkulin sa bayan nang may malasakit at pagmamahal.
Panulat ni PEMS Joe Peter V Cabugon, RPCADU 4A
