Negros Occidental – Maagang pamasko ang handog ng mga tauhan ng Silay City Component Police Station sa mga residente ng Sitio Cabug Baybay, Brgy. Guinhalaran, Silay City, Negros Occidental nito lamang ika-16 ng Disyembre 2022.
Ang aktibidad ay pinangunahan ng Silay CCPS sa direktang pangangasiwa ni Police Lieutenant Colonel Mark Anthony Darroca, Chief of Police kasama ang mga tauhan ng Silay City District Jail, PNP mascot at crew ng McDonalds na nilahukan ng mahigit 166 na kabataan kasama ang kanilang mga magulang.
Matagumpay na ipinamahagi sa mga kabataan ang libreng tsinelas, gift packs kasabay ng feeding program at parlor games.
Nagbigay-aliw naman si Patrolman Arquilles ng Sagay City PNP bilang isang PNP mascot sa pamamagitan ng pasayaw kasama ang mga tauhan ng Silay CCPS.
Samantala, lubos naman ang pasasalamat ng mga magulang sa ibinahaging saya at tuwa na handog ng ating kapulisan at ibang ahensya ng gobyerno para sa kanilang mga anak.
Ang aktibidad ay kaugnay sa peace and security framework ng Pambansang Pulisya ang MKK=K o Malasakit, Kaayusan, Kapayapaan tungo sa Kaunlaran upang mapanatili ang magandang ugnayan ng Kapulisan at Komunidad.
