Iloilo – Nagsagawa ng Community Outreach Program ang mga tauhan ng Police Regional Office 6 sa pakikipagtulungan sa Local Government Unit ng Sara sa pamamagitan ng Medical at Dental Mission na ginanap sa Erenio Engle Sr. Memorial Elementary School, Brgy. Tad-y, Sara, Iloilo nito lamang ika-16 ng Disyembre 2022.
Tinungo ng mga tauhan ng PRO6 ang nasabing Brgy. upang makapag-abot ng tulong sa pangunguna ni PBGen Leo Francisco, Director ng PRO 6, kasama si PCol Victorino Romanillos Jr., Chief, Regional Police Community Affairs and Development Division, Regional Health Service 6, katuwang ang Sara LGU sa pangunguna ni Mayor Jon N Aying kasama ang kanyang mga Sangguniang Bayan members, Brgy. Officials, mga guro, at mga Advocacy Support Group.
Sa naturang aktibidad ay nakatanggap ang humigit kumulung 258 na benepisyaryo ng serbisyong medical tulad ng dental extraction, pagtutuli sa mga bata, medical check-up, kasabay din nito ang libreng gupit, pamimigay ng libreng gamot, mga tsinelas para sa mga bata at feeding activity.
Naging posible ang outreach program dahil sa pagtutulungang ipinakita at ibinigay ng ating mga kapulisan ng PRO6, lokal na pamahalaan ng Sara at sa buong suporta ng mga residente ng Brgy. Tady.
Dumalo rin at nagbigay seguridad ang Iloilo PPO sa pangunguna ni PCol. Noel C Aliño, Provincial Director, at mga miyembro ng Regional Mobile Force Battalion 6, 2nd Iloilo Provincial Mobile Force Company, Sara Municipal Police Station, at Phil. Army.
Ang aktibidad ay isang paraan upang maipakita ang pagkakaisa, pagmamalasakit, pagtutulungan ng Kapulisan, Simbahan at Pamayanan na alinsunod sa Revitalized KASIMBAYANAN Program ng PNP na naglalayong mapanatili ang kaayusan, kapayapaan at kaunlaran ng bayan.
