Davao City – Tinatayang aabot sa Php422,940 halaga ng hinihinalang shabu ang nasabat sa isinagawang buy-bust operation ng Baliok PNP sa Susana Homes Basketball Court, Brgy. Baliok, Davao City, noong Disyembre 16, 2022.
Kinilala ni Police Major Nelson Violan Jr, Acting Station Commander ng Baliok Police Station, ang suspek na si alyas “Tingkoy”, 34, residente ng Brgy. Baliok, Davao City.
Ayon kay PMaj Violan, naaresto ang suspek sa isinagawang buy-bust operation ng tauhan ng Baliok PS.
Dagdag pa ni PMaj Violan, nakuha mula sa suspek ang ilang pakete ng hinihinalang shabu na may bigat na humigit kumulang 30.21 gramo na may street market value na Php422,940 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa suspek ay malaking tulong upang makamit ng Police Regional Office 11 ang kanilang layunin at nang makamit ang kaayusan at kapayapaan sa lungsod.
Panulat ni Patrolman Alfred Vergara
