Cebu City – Naging makulay ang isinagawang Gift-Giving Activity na binansagang “Checkpoint of Joy” ng mga tauhan ng Force Multiplier at Cebu City PNP na ginanap sa Transcentral Highway, Cebu City nito lamang Martes, Disyembre 13, 2022.
Ang aktibidad ay pinangunahan ni Police Lieutenant Colonel Dexter Calacar, Force Commander ng Cebu City Mobile Force Company at Jose “Jomen” Mendaros ng Cebu Unified Eagles Club (CUEC) na kung saan nakapagpamahagi ng nasa mahigit 100 na foodpacks ang grupo para sa mga motorista at residente ng naturang lugar bilang maagang aginaldo lalo na at papalapit na ang ating kapaskuhan.
Layunin ng aktibidad na bigyan ng saya at ngiti ang ating mga kababayang motorista na kung saan ang mga naturang grupo ay nagsasagawa ng mga checkpoint ngunit bukod sa pag-check ng kanilang mga dokumento, ang ating mga kapulisan ay kumakanta rin ng Christmas Carols para sa kanila.
Ang aktibidad ay alinsunod sa peace and security framework ng ating C, PNP PGen Rodolfo S Azurin Jr. na M+K+K=K o Malasakit, Kaayusan at Kapayapaan tungo sa kaunlaran at programang PNP KASIMBAYANAN na naglalayong maipatatag pa ang ugnayang Kapulisan, Simbahan at Pamayanan tungo sa kaayusan, kapayapaan at kaunlaran ng bansa.
