Camp Crame — Nagtapos ng Civil Affairs Course ang 39 miyembro ng Philippine National Police nito lamang umaga ng Miyerkules, Disyembre 14, 2022 sa Audio-Visual Room, PNP Museum, Camp Crame, Quezon City.
Ang naturang kurso ay inisyatibo ng Police Community Affairs and Development Group sa pakikipagtulungan ng Civil Military Operations, Philippine Army.
Ayon kay Police Colonel Lou F Evangelista, Acting Director ng PCADG, 62 estudyante ang kumuha nito noong nakaraang Hulyo at 39 lamang ang natapos kabilang ang dalawang heneral, mga opisyales, Police Non-Commission Officer at isang Non-Uniformed Personnel.
Dinaluhan naman ito ni Police Lieutenant General Rhodel O Sermonia, Deputy Chief for Administration bilang Keynote Speaker kung saan kanyang pinaabot ang kanyang pagbati sa mga nagsipagtapos at pinaalalahanan na kanilang ibahagi ang kanilang mga napag-aralan.
Nagkaroon naman ng ceremonial pinning of badge sa mga nagsipagtapos bilang tanda na sila’y ganap na kabilang sa Class “Hiraya” 31-2022.
Ang kursong ito ay bahagi upang paigtingin pa ang pakikipag-ugnayan ng pulisya sa komunidad, Local Government Agencies, mga Non-Government Agencies at stakeholders.
