Butuan City – Isinagawa ng Butuan City Police Office ang kauna-unahang Advocacy Support Group Summit 2022 na naganap sa Imadejas Convention Hall, Butuan City nito lamang Martes, Disyembre 13, 2022.
Ang aktibidad ay pinangunahan ni Police Lieutenant Colonel Sandy Dacera, Chief ng Butuan City Community Affairs and Development Unit sa ilalim ng pangangasiwa ni Police Colonel Marco Archinue, City Director.
Dinaluhan ito ni Pastor Ronel Abendanio, Life Coach ng Butuan City Police Office at nasa humigit kumulang 50 miyembro ng Kabataan Kontra Droga at Terorismo (KKDAT) Butuan na pinapangunahan ni Ms. Angel Wayne Catubigan, KKDAT Butuan president.
Nagsagawa ng livelihood training sa paggawa ng bath soap at dishwashing liquid, sinayaw ang life is beautiful dance at nagkaroon ng iba’t ibang palaro na layuning mahubog ang teamwork ng mga kabataan.
Pinasalamatan naman ni PLtCol Dacera ang mga Advocacy Support Groups lalung-lalo na ang mga KKDAT sa pursigidong pagsuporta sa PNP.
Ang Butuan PNP ay patuloy sa pagpupursigi na mapalakas ang ugnayan ng pulisya sa komunidad upang masiguro ang kaayusan at kapayapaan sa naturang syudad.
Panulat ni Patrolman Jhunel Cadapan/RPCADU13
