Camarines Norte – Tinatayang Php102K halaga ng shabu ang nasamsam sa isinagawang Search Warrant operation ng Camarines Norte PNP sa Purok 2, Barangay Poblacion, Capalonga, Camarines Norte nitong lamang Lunes, Disyembre 12, 2022.
Kinilala ni Police Colonel Antonio Bilon Jr, Provincial Director ng Camarines Norte Police Provincial Office, ang suspek na si alyas “Noe”, 47, may asawa, tricycle driver at residente ng nasabing lugar.
Ayon kay PCol Bilon Jr, naaresto ang suspek sa bisa ng Search Warrant ng pinagsanib na mga tauhan ng Capalonga Municipal Police Station, Camarines Norte Provincial Intelligence Unit, Camarines Norte 2nd Provincial Mobile Force Company at PDEA-Camarines Norte.
Nakuha sa nasabing operasyon ang tumitimbang sa 15 gramo ng ilegal na droga o tinatayang nagkakahalaga ng Php102,000.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy sa mga ganitong operasyon upang masawata ang mga taong gumagamit at nagtutulak ng ilegal na droga.
Source: Camarines Norte PPO
