Mexico, Pampanga – Naghatid ng saya ang Technical Support Company ng Regional Mobile Force Battalion 3 sa mga batang nakatira sa Brgy. San Jose Matulid, Mexico, Pampanga nito lamang Martes, ika-13 ng Disyembre 2022.
Ang naturang aktibidad ay pinangunahan ni Police Captain Mark Leslie Barlis, Company Commander ng Technical Support Company at sa ilalim ng pamumuno ni Police Colonel Wilson Delos Santos, Force Commander ng Regional Mobile Force Battalion 3.
Nagbayanihan ang mga tauhan ng Technical Support Company na kung saan nag-ambag ambag upang makapaghatid ng saya para sa mga bata.
Bilang maagang pamaskong handog ng mga awtoridad ay namigay ng mga laruan, libreng tsinelas, mga damit at nagkaroon ng feeding program.
Labis naman ang tuwa at pasasalamat ng mga bata sa pamaskong handog ng TSC, RMFB 3.
Patuloy ang Pambansang Pulisya na magbibigay ng magandang serbisyo sa mamamayan at mapagtibay ang ugnayan ng PNP at pamayanan.
Source: Regional Mobile Force Battalion 3
Panulat ni Police Corporal Jeselle Rivera/RPCADU 3
