Bacoor City, Cavite – Arestado ang isang holdaper sa kasong paglabag sa RA 10591 at RA 9165 sa ikinasang operasyon ng Bacoor City PNP nito lamang Disyembre 13, 2022.
Kinilala ni Police Colonel Christopher Olazo, Provincial Director ng Cavite Police Provincial Office, ang suspek na si alyas “Che”, 41.
Ayon kay PCol Olazo, bandang 12:40 ng tanghali, nang aktuwal na naaktuhan ng Bacoor City Police Station ang pag-holdap ng suspek sa dalawang biktima na sina Quibienzen Mabborang at Allan Verador na nagdeliber ng sigarilyo sa Camella SPV, Brgy. Molino III, Bacoor City, Cavite.
Nanlaban ang suspek kaya nagkaroon ng palitan ng putok sa pagitan ng dalawang grupo na nagresulta sa pagkakasugat ng suspek na isinugod sa pinakamalapit na hospital.
Nakumpiska mula sa suspek ang isang Cal. Colt 45 na may pitong bala, isang heat-sealed transparent plastic sachet ng hinihinalang shabu at iba’t ibang ATM cards.
Nahaharap ang suspek sa kasong paglabag sa RA 10591 o Comprehensive Firearms and Ammunition Regulation Act at RA 9165 o Comprehensive Dangerous Drugs Act of 2002.
Patuloy ang buong Bacoor City PNP sa pagsasagawa ng operasyon laban sa kriminalidad at ilegal na droga para makamit ang isang mapayapa, tahimik at maunlad na komunidad.
Source: Cavite Police Provincial Office
Panulat ni Police Staff Sergeant Donabel Dulin
