Ifugao- Ipinagdiwang ng PNP Class KASANGGA ang kanilang 14th na anibersaryo sa pagseserbisyo sa pamamagitan ng isang Outreach Activity na ginanap sa bayan ng Lagawe, Lamut at Banaue, Ifugao nito lamang Sabado, Nobyembre 10, 2022.
Ang aktibidad ay pinangunahan ni Police Master Sergeant Benjamin Moga ng 1501st Regional Mobile Force Battalion 15 na kasalukuyang nakatalaga sa Ifugao Police Provincial Office.
Gamit ang perang nalikom mula sa kanilang kontribusyon, natulungan ng mga miyembro ng nasabing klase ang kanilang apat na benepisyaryo.
Ang kanilang unang benepisyaryo ay si Sino Gumuwang Gangbao, tubong Mayoyao na kasalukuyang naninirahan sa Mabato-bato, Lamut, Ifugao at sumasailalim sa dialysis dalawang beses sa isang linggo mula noong 2020, na nakatanggap ng bigas at ilang grocery items.
Ang kanilang ikalawang benepisyaryo ay si Ms. Christy Bacali, residente ng Sitio Panunggaan, Brgy. Caba, Lagawe, Ifugao, isang breast cancer patient na sumasailalim sa chemotherapy kung saan nakatanggap din ng financial assistance at isang sako ng bigas.
Samantala dalawang bata naman mula sa Batad, Banaue, Ifugao na may sakit sa puso ang nakatanggap din ng early christmas gift.
Taos pusong pasasalamat ang naging batid ng mga benepisyaryo sa tulong na hatid ng PNP Class KASANGGA.
Source: Ifugao Police Provincial Office
