Zamboanga City – Arestado ang Top 10 Station Most Wanted Person sa kasong Murder ng Zamboanga City PNP sa Sitio Asinan, Brgy. Kasanyangan, Zamboanga City nito lamang Sabado, Disyembre 10, 2022.
Kinilala ni Police Colonel Alexander Lorenzo, City Director ng Zamboanga City Police Office, ang suspek na si alyas “Zaldimar”, 39, may asawa at residente ng naturang barangay.
Ayon kay PCol Lorenzo, bandang 11:05 ng umaga nang naaresto ang suspek sa ng mga operatiba ng Zamboanga City Police Office-Station 6 at 1st Zamboanga City Mobile Force Company sa bisa ng Warrant of Arrest sa kasong Murder na may inirekomendang piyansa na Php200,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
