Pinangunahan ng Pangasinan Police Provincial Office sa pamumuno ni Police Colonel Jeff Fanged, Provincial Director, ang Unity Fun Run na ginanap sa Baywalk, Lingayen, Pangasinan nitong ika-11 ng Disyembre 2022.
Ang naturang Unity Fun Run na may temang “Takbo ng Pagkakaisa Kontra Droga Krimen at Terorismo” ay sinalihan ng mga kapulisan mula sa mga Police Stations ng Pangasinan, stakeholders, Non-Government Organizations, Advocacy Support Groups, mga estudyante sa mga iba’t ibang paaralan sa Pangasinan.
Ang panauhing pandangal sa aktibidad ay si Pangasinan Governor Ramon “Mon-Mon” Guico na nirepresenta ni Ginoong Rocky Magliba, Consultant on Education and Community Development sa ilalim ng Provincial Governor’s Office.
Layunin ng aktibidad na ito na mapanatiling maganda at malakas ang pangangatawan ng bawat isa at para turuang maging responsable sa kalusugan sa pamamagitan ng pag-iwas sa paggamit ng droga at iba pang ipinagbabawal na gamot.
Source: Pangasinan PPO
Panulat ni PSSg Vanessa A Natividad
